Ek aag si hai is seene m,Jalti hai, dahakati hai, bhabhakti hai,
Par bujhti nhi.
Voh aag, shaant nhi rhne deti,
lalkaarti hai, jalati hai, tadpaati hai.
Kuch badlne ki chah hai,
Kuch paane ki chah hai,
Voh sapne jo kabhi khuli aakho se dekha hai Maine,
Usse Poora karne ki jidd hai…
Waqt kisi ret ki tarah fisalta jaa rha…
Moam ki tarah pighalta jaa rha…
Aur mai,
Khidhti se tek kar,
Bas yu soch rhi..
Kya karna hai?
Kaise karna hai?
Nhi jaanti…
Par ek chah hai,
Jo mujhe sone nhi degi..
Yu jalati rahegi, tadpaati rahegi..
Uss aasaman ke sitaaro tk pahuchne ki chah…
Kisi ki baarish m, halki dhoop ban Jane ki chah..
Kisi k andhere m, roshni ban jaane ki chah..
Phir Kabhi yeh sochti hu..
Kya mai kar paungi?
Kya mai is kaabil hu?
Kabhi dara karti thi mai,
Kamjor pad jaane se..
Haar jaane se..
Badnaam ho jaane se..
Par ab darr bhi toh nhi lagata…
Anjaan log, aur anjaano ki baato se..
Apne yaa paraaye; sabke taano se..
Mai upar uth chuki hu,
In sab anargal baato se..
Farq nhi padta mujhe,
Kyoki,
voh ek aag mujhme abhi bhi baaki hai
Jo mujhe tadpaati hai,
Mera vajood talashne ki,
Kisi andheri kaali raat k baad,
ugta hua suraj ban jaane ki…
Aaj phir khidti se tek kar baithi hu…
Aakho m kuch dudhlapan, aur kuch sapne liye,
Waqt fisalta jaa rha…
Waqt badalta jaa rha..
Aaj phir,
ek Shaam beeta di
Yu hi sochte sochte…